Dink of Sink- virtuele universiteitsdebatkompetisie

Die entoesiasme van hoërskoolleerders wat aan Dink of Sink deelneem, het so toegeneem dat ons in 2017 selfs ’n universiteitsbeen vir die kompetisie bygebring het.

Die Dink of Sink- nasionale universiteitsdebatkompetisie vind jaarliks tussen Maart en April plaas. Tydens hierdie kompetisie word die Britse parlementêre debatstyl gebruik en studente neem in spanne van vier deel.

In 2021 sal die kompetisie virtueel op Teams plaasvind. Die doel van die virtuele debatkompetisie is om studente steeds die geleentheid te bied om aan debat deel te neem. Studente skryf in spanne van vier in en sal dan weekliks op Maandae in Mei debatteer teen ander studente regoor Suid-Afrika in die gemak van hulle huis, koshuiskamer, kommune of selfs gunstelingkoffiewinkel.

Hoe werk dit?

 

  • Universiteitstudente kan spanne van vier inskryf deur die inskrywingsvorm tussen 22 Maart en 26 April 2021 te voltooi.
  • Teams-uitnodigings word na die spanleier se e-posadres gestuur.
  • Spanne skakel in op die dag en tyd soos deur die Teams-uitnodiging gekommunikeer.
  • Spanne ontvang die onderwerp en het dan een uur voorbereidingstyd. Die debat verloop verder presies soos die Britse parlementêre styl. Volg hierdie skakel vir die kompetisieformaat.
  • Elke span sal tussen 3 Mei en 24 Mei 2021 vier debatte oor vier weke voer.
  • Die uitkloprondtes sal van 31 Mei 2021 tot 11 Junie 2021 via Teams plaasvind.
  • Die landwye finaal sal op Vrydag 18 Junie 2021 plaasvind.
  • Die wenners sal heerlike kontantpryse ontvang.

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!